Sevinc Fətəliyeva: Azərbaycan-Türkiyə münasibətləri bu gün ən yüksək zirvədədir | 1news.az | Xəbərlər
Siyasət

Sevinc Fətəliyeva: Azərbaycan-Türkiyə münasibətləri bu gün ən yüksək zirvədədir

20:40 - 12 / 06 / 2024
Sevinc Fətəliyeva: Azərbaycan-Türkiyə münasibətləri bu gün ən yüksək zirvədədir

“Azərbaycan-Türkiyə münasibətləri bu gün ən yüksək zirvədədir. Bu zirvənin ən yüksək nöqtəsi isə 2021-ci il iyunun 15-də iki ölkə arasında Müttəfiqlik haqqında Şuşa Bəyannaməsinin imzalanmasıdır”.

Bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva deyib.

Deputat bildirib ki, Şuşa Bəyannaməsi Azərbaycan ilə Türkiyənin qardaşlığını bütün dünyaya nümayiş etdirən mühüm bir mesajdır. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında üç il əvvəl Şuşada imzalanan Bəyannamə iki qardaş ölkə arasında tarixi münasibətlərin yeni mərhələsinin əsasını qoydu. Onun fikrincə, ölkələrimizin əməkdaşlıq münasibətləri unikal müttəfiqlik nümunəsidir. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən imzalanmış Şuşa Bəyannaməsində strateji əhəmiyyət kəsb edən bütün əməkdaşlıq istiqamətləri əhatə olunur. Bəyannamədə beynəlxalq müstəvidə birgə əməkdaşlıq, siyasi münasibətlər, iqtisadi-ticarət əlaqələri, mədəniyyət, təhsil, idman, gənclər siyasəti və s. məqamlar əksini tapır. Həmçinin Bəyannamədə enerji təhlükəsizliyi, Cənub Qaz Dəhlizinin Türkiyə, Azərbaycan və Avropa üçün önəmi göstərilir.

Şuşa Bəyannaməsində hərbi əməkdaşlıq amilinə də xüsusi yer verildiyini deyən S.Fətəliyeva qeyd edib ki, bu, tarixi nailiyyətdir. Bu, bir daha göstərir ki, biz bundan sonra da hər zaman bir yerdə olacağıq. Bundan sonra da bir-birimizin təhlükəsizliyini təmin edəcəyik. Müdafiə sahəsində əməkdaşlıq və qarşılıqlı hərbi yardım məsələlərinin Bəyannamədə əks olunması çox vacib məqamdır. Çünki bu sənəd əsasında ölkələrimiz bir-birinin təhlükəsizliyini təmin edəcək. Müdafiə sənayesi sahəsində əlaqələrin inkişafı ölkələrin hərbi qüdrətini artıracaq. İki qardaş ölkə həm də iki dövlətin silahlı qüvvələrinin müasir tələblərə uyğun olaraq yenidən formalaşdırılması və modernləşdirilməsi istiqamətində birgə səylərin göstərilməsi, müdafiə qabiliyyətlərinin və hərbi təhlükəsizliyinin möhkəmləndirilməsinə yönələn tədbirlərin həyata keçirilməsi, iki ölkənin silahlı qüvvələrinin birlikdə fəaliyyət qabiliyyətinin artırılması, müasir texnologiyalara əsaslanan silah və sursatların idarə olunmasında sıx əməkdaşlığı və bu məqsədlə səlahiyyətli struktur və qurumların əlaqəli fəaliyyətinin təmin edilməsinin təşviq olunması ilə bağlı da razılığa gəlib.

Millət vəkili qeyd edib ki, Şuşada dalğalanan Azərbaycan və Türkiyə bayraqları ölkələrimizin birliyini nümayiş etdirir: “İkinci Qarabağ müharibəsi başlanan gündən, ilk saatlardan Türkiyə Prezidenti Azərbaycana birmənalı, dəqiq və açıq dəstək ifadə edib. Müharibənin ilk günlərindən Türkiyə Prezidenti bildirdi ki, Azərbaycan tək deyil. Bu, həm bizi ruhlandırdı, eyni zamanda, müharibəyə müdaxilə etmək fikrində olan bütün qüvvələri, dairələri dayanmağa vadar etdi”.

“Azərbaycanla Türkiyə arasında müttəfiqlik münasibətləri haqqında Şuşa Bəyannaməsinin imzalanması ölkələrimiz arasındakı münasibətlərin bütün müstəvilərdə davamlı inkişafını təmin edir. Eyni zamanda, Şuşa Bəyannaməsi çoxşaxəli müttəfiqliyin rəmzi hesab oluna bilər. Bəyannamə sayəsində Türkiyə və Azərbaycan münasibətləri rəsmən müttəfiqlik zirvəsinə ucaldı. Həmçinin, Şuşa Bəyannaməsi bölgədə inteqrasiya proseslərini stimullaşdırır, əhatəli sülhə yol açır. Bundan başqa, sənəd Azərbaycanın siyasi, diplomatik və iqtisadi uğurudur. Bəyannamədə nəzərdə tutulan hərbi əməkdaşlıq, regional əhəmiyyət daşıyan iqtisadi layihələr və bütün digər müstəviləri əhatə edən təşəbbüslər ölkənin beynəlxalq nüfuzunu daha da artıracaq. Digər bir vacib məqam ondan ibarətdir ki, Bəyannamə ölkələr arasında münasibətlərin gələcəyini müəyyən edir və iki ölkə arasında əlaqələri ən yüksək səviyyəyə ucaldır. Bütün bunlar iki qardaş ölkənin maraqlarına tam cavab verir”,-deyə Sevinc Fətəliyeva vurğulayıb.

Paylaş:
239

Son xəbərlər

Azərbaycanda ilk: abituriyentlərin ixtisas seçiminə köməklik edən platforma yaradılıb24 / 07 / 2024, 20:27Yük maşınlarını normadan artıq yükləyənlər 7 min manatadək cərimə olunacaq24 / 07 / 2024, 16:30Velosiped yollarında hərəkət edəcək nəqliyyat vasitələrinin sürücüləri 100 manat cərimə ediləcək24 / 07 / 2024, 16:19"Bakı Metropoliteni" Müşahidə Şurasının tərkibi dəyişib24 / 07 / 2024, 16:18Azərbaycanın olimpiya çempionları üçün xüsusi olimpiya təqaüdünün məbləği dəyişib24 / 07 / 2024, 16:14DİM-in İdarə Heyətinin sədrinə müavinlər təyin edilib24 / 07 / 2024, 14:42“Qarabağ”-“Linkoln” oyununun hakimləri dəyişdirilib24 / 07 / 2024, 14:33Azərbaycana gətirilən spirtli içkilər üçün aksiz dərəcəsi dəyişib24 / 07 / 2024, 14:29İlham Əliyev Bakıda Zəfər parkında aparılan tikinti işləri ilə tanış olub - FOTO24 / 07 / 2024, 14:24Azərbaycan XİN Efiopiyaya başsağlığı verib24 / 07 / 2024, 12:50ADY fermerlərə mal-qara ilə bağlı tövsiyə edib24 / 07 / 2024, 12:26Qarabağa avtobus reyslərinə avqust ayı üçün biletlər satışa çıxarılır24 / 07 / 2024, 12:18“Lalique” brendinin yeni “Iconics Rose Nebula” kolleksiyasında futurizm və antiklik - FOTO24 / 07 / 2024, 12:05Kamaləddin Qafarov: “Uzunmüddətli sülh mümkündür”24 / 07 / 2024, 11:33Bu ilin altı ayında icbari tibbi sığorta hesabına icra olunan abortların sayı açıqlanıb24 / 07 / 2024, 11:21ABB debet kartlarını SİMA24 / 07 / 2024, 11:09Azərbaycanda uçota alınan telekommunikasiya operator və provayderlərinin sayı 163-ə çatdırılıb24 / 07 / 2024, 10:55İlham Əliyev Özbəkistanın Prezidentini ad günü münasibətilə təbrik edib24 / 07 / 2024, 10:38Bakıda təhlükəsizlik tələblərinə cavab verməyən liftin fəaliyyəti dayandırılıb - VİDEO24 / 07 / 2024, 10:31Salyanda bibisinə qarşı quldurluq etmək istəyən keçmiş məhkum və tanışı ələ keçdi24 / 07 / 2024, 10:23
Bütün xəbərlər