“Zita və Gita”nın aktyoru dünyasını dəyişib

Hindistanın tanınmış aktyoru, "Bollivud" əfsanəvi simalarından Dharmendra Deol 90 yaşında vəfat edib.

1news.az xəbər verir ki, bu barədə Hindistan mediası məlumat yayıb.

Bildirilib ki, noyabrın 11-i nəfəs darlığı səbəbilə xəstəxanaya yerləşdirilən aktyor bu gün səhər saatlarında dünyasını dəyişib.

Qeyd edək ki, o, “Zita və Gita”, “Əlibaba və qırx quldur”, “Qisas və qanun“, “Daş və Çiçək”, “Sevimli Raca” və s. filmləri ilə tanınır.