Çində güclü yağışlar selə səbəb oldu: 5 ölü

Çinin şimal bölgələrində güclü yağışlar nəticəsində baş verən daşqınlarda 5 nəfər həyatını itirib.

1news.az xarici mediaya istinadən xəbər verir ki, Çin mediasının məlumatına görə, Daxili Monqolustan Muxtar Bölgəsinə bağlı Tonqliao şəhərində otlaqda mal-qara otaran 2 çoban sel sularına düşərək ölüb.

Liaoninq əyalətinin Fushun şəhərində isə güclü yağışlar nəticəsində baş verən daşqınlarda 3 nəfərin həyatını itirdiyi bildirilib.

Rəsmilər selin təsir etdiyi ərazilərdən 3 596 nəfərin təxliyə edildiyini açıqlayıb.