“Azərbaycan Ordusu hər an döyüşə hazırdır” - Şair Ramaldanov | 1news.az | Xəbərlər
Cəmiyyət

“Azərbaycan Ordusu hər an döyüşə hazırdır” - Şair Ramaldanov

17:14 - 23 / 09 / 2020
“Azərbaycan Ordusu hər an döyüşə hazırdır” - Şair Ramaldanov

Düşmən təxribat törətmək üçün daim fürsət gözləyir. Lakin Azərbaycan Ordusunun bölmələri təmas xəttində vəziyyətə tam nəzarət edir və düşmənin təxribatlarına layiqli cavab verir. Tovuz hadisələri, eləcə də düşmənin diversiya qrupunun zabitinin əsir götürülməsi zamanı bunun şahidi olduq.

Bunu 1news.az-a açıqlamasında ehtiyatda olan polkovnik Şair Ramaldanov cəbhə bölgəsindəki vəziyyəti şərh edərkən deyib.

Ermənistan tərəfindən Livan və Suriyadan gələn muzdluların Qarabağ ərazisində yerləşdirilməsinə toxunan Ş.Ramaldanov bununla bağlı narahatçılığa ciddi əsasın olmadığını söyləyib:

“Ümumiyyətlə, işğala məruz qalandan sonra Dağlıq Qarabağdakı yaşayış məntəqələrinin əksəriyəti demək olar ki, boş qalıb. Çünki Ermənistanda yaşayan ermənilər Qarabağa köçmək istəmirlər, Qarabağdakı ermənilərin sayı isə azdır və aprel hadisələrindən sonra onlar da bu əraziləri tərk edib başqa yerlərə getməyə çalışırlar.

Digər tərəfdən Ermənistanda yaşayan ailələrdən birinin övladı Qarabağda şəhid olanda bu, cəmiyyət tərəfindən böyük narazılıqla qarşılanır, əsgər anaları ayağa qalxırlar. Buna görə də Ermənistan rəhbərliyi Qarabağda boş qalan yaşayış məntəqələrinə və cəbhə bölgəsinə başqa ölkələrdən gələn insanları, o cümlədən muzdlu əsgərləri və PKK döyüşçülərini köçürməyə çalışırlar”.

Azərbaycan Ordusunun hər an döyüşə hazır olduğunu deyən Ş.Ramaldanov Orduda və cəmiyyətdə vətənpərvərlik ruhunun çox yüksək səviyyədə olduğunu da vurğulayıb:

“Ordu xalqın, cəmiyyətin ordusudur. Aprel hadisələri zamanı, eləcə də pandemiya dövründə minlərlə gəncimiz bir araya gələrək ordumuza öz dəstəklərini ifadə etdilər və ərazilərimizi işğalçılardan azad etmək üçün hər an döyüşə atılmağa hazır olduqlarını göstərdilər.

Cəmiyyətimizdə də vətənpərvərlik hissi çox yüksək səviyyədədir. Şəhidlərimizin dəfni zamanı bunun şahidi oluruq. Bir çox vətəndaşımız öz avtomobillərinə Tovuz şəhidlərimizin şəkillərini vurur. Sosial şəbəkələrdə daim şəhidlərimiz haqqında məlumatlar paylaşılır, onlara öz hörmət və ehtiramlarını bildirirlər. Bütün bunlar onu deməyə əsas verir ki, Azərbaycan xalqı, Azərbaycan gəncləri işğal faktı ilə barışmırlar və torpaqlarımızı işğaldan azad etmək üçün Ali baş komandanın əmrini gözləyirlər”.

B.Cahandarov

Paylaş:
698

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər