1news.az

Bakıda cibgirlik edən şəxsin digər cinayətlər törətdiyi də aşkarlandı

8 Aprel saat 15:57 ~ 1 dəqiqəlik oxu 175
Bakıda cibgirlik edən şəxsin digər cinayətlər törətdiyi də aşkarlandı

Bakıda cibgirliklə məşğul olan şəxsin digər cinayətlər törətdiyi də müəyyən edilib.

Daxili İşlər Nazirliyinin Mətbuat xidmətindən 1news.az-a verilən məlumata görə, paytaxt ərazisində sərnişin avtobusları və insanların sıx olduğu yerlərdə çoxsaylı cibgirlik cinayətləri etdiyi üçün Bakı şəhər Baş Polis İdarəsi Cinayət Axtarış İdarəsinin əməkdaşları tərəfindən saxlanılan Göyçay rayon sakini, əvvəllər 6 dəfə məhkum olunmuş Rövşən İsmayılovun başqa qanunazidd əməlləri də məlum olub.

Ətrafında keçirilən əlavə əməliyyat tədbirləri ilə R.İsmayılovun paytaxt ərazisində daha 5 nəfərin cibindən mobil telefon, pul və digər qiymətli əşyalar oğurladığı müəyyən edilib.

Onun barəsində Cinayət Məcəlləsinin müvafiq maddələri ilə cinayət işi başlanılıb, istintaq-əməliyyat tədbirləri davam etdirilir. Rövşən İsmayılov paytaxt ərazisində digər analoji cinayətlər etdiyi istisna olunmur.

Bu şəxsin əməllərindən zərərçəkən başqa vətəndaşlar varsa bu barədə Bakı şəhər Baş Polis İdarəsinə, ərazi üzrə polis idarə, şöbə və bölmələrinə, habelə DİN-in “102” Zəng Mərkəzinə məlumat verə bilərlər.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net