1news.az

Bu ölkədə sağlam həyat tərzi keçirən sakinlərə pul ödəniləcək

25 Sentyabr saat 16:31 ~ 1 dəqiqəlik oxu 3270
Bu ölkədə sağlam həyat tərzi keçirən sakinlərə pul ödəniləcək

Sinqapur hökuməti "Apple" korporasiyasını səhiyyə sahəsində "LumiHealth" adlı ikiillik proqrama tərəfdaş kimi cəlb edib. Bu təşəbbüs sayəsində "Apple Watch" "ağıllı" saatından istifadə edən ölkə sakinləri öz sağlamlıqlarına nəzarət edə və sağlam həyat tərzinə görə pul mükafatı qazana bilərlər.

1news.az ictnews.az-a istinadən bildirir ki, proqramın iştirakçılarına "Apple"ın "ağıllı" saatları ilə yanaşı, "iPhone" və 2020-ci ilin oktyabrında "App Store" onlayn mağazasında əlçatan olacaq "LumiHealth" mobil tətbiqi lazım olacaq.

Proqrama qoşulmağa qərar vermiş Sinqapur sakinləri mobil tətbiqdəki tapşırıqları yerinə yetirmək və qoyulmuş hədəfə nail olmağa görə təxminən 280 ABŞ dolları qazanmaq imkanı əldə biləcəklər. Xüsusilə yeriş, fiziki tapşırıqlar, üzgüçülük və ya yoqa kimi fiziki fəaliyyət təşviq ediləcək. Bundan başqa, "LumiHealth" tibbi müayinə və profilaktik peyvəndlər üçün fərdiləşdirilmiş proqramlar və xatırlatma təklif edəcək. Mobil proqramda reallaşdırılmış yarış komponenti istifadəçiləri daha sağlam yeməklər seçməyə və yuxu rejiminə riayət etməyə sövq edəcək.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net