COVİD-19 pandemiyası zamanı valideyn və uşaqlara psixoloji dəstək - “Çıxışa döğru”-da MÜZAKİRƏ
COVID-19 pandemiyası ilə qlobal mübarizə çərçivəsində uşaqların virus haqqında biliklərinin artırılması, valideyn və uşaqların psixoloji sağlamlıqlarının qorunması məqsədilə ölkəmizdə müxtəlif tədbirlər həyata keçirilir.
Qeyd etmək lazımdır ki, pandemiya uşaqlarla yanaşı, böyüklərə də psixoloji olaraq mənfi təsir göstərir. Artan pandemiya dövründə insanların özlərini emosional olaraq tükənmiş hiss etmələrinin ən böyük amili yaşadıqları stressdir. Onların həyat tərzlərini dəyişməsi nəticəsində bir sıra narahatçılıqlar yaranır ki, bu da stressə gətirib çıxarır.
Özünün və ya yaxınının xəstəliyə yoluxması, vəziyyətin gözlənilməz olması, yaxın gələcəkdə nələrin olacağı haqqında heç bir məlumatın olmaması insanlarda ruh düşkünlüyünə səbəb olur. Son aylarda yaşadıqlarımız, təbii ki, ailələrdə böyüyən uşaqların da psixologiyasında özünü büruzə verməkdədir. Çünki artıq onlar uzun illərdir ki, adət etdikləri rejimdən daha bir fərqli həyat yaşantısına keçirlər.
1News-un məlumatına görə, AzTV-nin “Çıxışa doğru” verilişində “COVİD-19 pandemiyası zamanı valideyn və uşaqlara psixoloji dəstək” mövzusunda aparılan müzakirələr zamanı bu barədə ətraflı danışılıb. Verilişin qonaqları Təhsil Nazirliyinin "Məktəblinin dostu" layihəsinin psixoloqu Mehriban Verdiyeva, həkim psixiatr İkram Rüstəmov, RİİB nümayəndəsi Fərid Süleymanov və Ailə, Qadın, Uşaq Problemləri üzrə Dövlət Komitəsinin baş məsləhətçisi Zülfiyyə Sadıqova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
