1news.az

İcra başçısının müavini: Abşeronlular 650 min ağacın əkilməsi təşəbbüsünə həvəslə hazırlaşırlar

18 Oktyabr saat 16:00 ~ 1 dəqiqəlik oxu 145
İcra başçısının müavini: Abşeronlular 650 min ağacın əkilməsi təşəbbüsünə həvəslə hazırlaşırlar

Abşeronlular Birinci vitse-prezident Mehriban Əliyevanın bir gündə 650 min ağacın əkilməsi təşəbbüsünə böyük həvəslə hazırlaşırlar.

1news.az-ın Trend-ə istinadla verdiyi xəbərə görə, bunu Abşeron Rayon İcra Hakimiyyəti başçısının müavini İlham Quluyev deyib.

Onun sözlərinə görə, Birinci vitse-prezident Mehriban xanım Əliyevanın təşəbbüsü ilə noyabr ayında respublikamızın bütün bölgələrində bir gündə 650 min ağac əkiləcək. Həmin gün Abşeron rayonunda 20 min ağac əkilməsi nəzərdə tutulur.

İ.Quluyev bildirib ki, hazırda ağacların əkilməsi üçün nəzərdə tutulan ərazilərdə çalaların qazılması, su xətlərinin çəkilməsi və digər zəruri hazırlıq işləri görülür.

Aksiya zamanı yerli şəraitə uyğun ağaclar əkiləcək:

"Ağacların yol kənarı ilə yanaşı, eyni zamanda, Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyevanın təşəbbüsü ilə həyata keçirilən “Bizim həyət” layihəsi çərçivəsində Xırdalan şəhəri ərazisində çoxmənzilli binaların ətrafında da əkilməsi nəzərdə tutulur. Abşeronlular bu vacib və nəcib təşəbbüsün əhəmiyyətini yüksək dəyərləndirir və bu genişmiqyaslı tədbirə böyük həvəslə hazırlaşırlar".

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net