1news.az

LSS MFL 2019/20 Liqasının XXII turu: “Squadra” bir qola sevindi, “Beerbaşa”dan darmadağın – FOTO – VİDEO

21 Fevral saat 16:00 ~ 2 dəqiqəlik oxu 241
LSS MFL 2019/20 Liqasının XXII turu: “Squadra” bir qola sevindi, “Beerbaşa”dan darmadağın – FOTO – VİDEO

Azərbaycanın futbol üzrə ən böyük həvəskarlar liqası olan LSS MFL 2019/20-də 22-ci turun oyunları keçirilib.

1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.

Qeyd edək ki, 22-ci turda İnfinity konferensiyasında liderlər növbəti qələbələrini qazanıblar. Məğlubiyyətsiz lider “Squadra” “Lökbatan”ın qapısından üç cavabsız top keçirib. “Chelse Baku” ilə görüşən “Universal” da turu quru hesabla başa vurub – 5:0.

Ən böyükhesablı qələbəyə “Xəzər Astara” komandası imza atıb. “Army United”lə qarşılaşan “cənunblular” rəqib üzərində 16:2 hesablı qələbəni qeyd ediblər.

22-cü turda Platinum konferensiyasında lider “Beerbaşa” “Gres Severnıy”la görüşdə 13:4 hesabı ilə qalib gələrək zirvədəki yerini qorudu. “Grand” – “Bakı Abadlıq” görüşündə də qapılara 17 top vuruldu – 9:8.

“AgroSport”un rəqibi “Ümid Üçtəpə”nin qapısından 5 cavabsız top keçirdiyi turda “Peçat Dönər” “Binə”ni 8:1 hesabı ilə məğlub edib.

Həftənin ən maraqlı qarşılaşmalarından biri İnfinity konferensiyasında “Squadra” ilə “Tiyaqani” komandaları arasında baş tutub. Futbol həvəskarları ötən turlardan təxirə salınmış matçda bu iki iddialı komandanın görüşünü böyük həyəcanla gözləyirdilər.

MFL-in səhifəsində canlı yayımlanan görüş birincilərin 1:0 hesablı qələbəsi ilə yekunlaşıb. Bu qələbə sayəsində “Squadra” komandası liderlər arasında öz mövqeyini qoruyub saxlamağı bacarmaqla yanaşı, maksimum nəticə göstərməkdə də davam edib. “Tiyaqani” isə mövsümdə ikinci məğlubiyyətini alıb.

“Xəzər Astara” – “Army United” qarşılaşmasında böyükhesablı darmadağın baş verdi, Xəzər öz sularına qərq etdi sanki.

MFL-in təcrübəli oyunçularından olan, keçmişdə “Baku Eagles”, “Vur Komandir”, “Beerbaşa” və “Peçat Dönər”, hazırda isə “Xəzər Astara” komandasında çıxış edən, fevralın 17-də isə rəqib “Army United”in qapısından 7 qol keçirən Ceyhun Mürşüdlünün müsahibəsini təqdim edirik.

22-ci turun ən yaddaqalan məqamlarını və qısa icmalını təqdim edirik:

 

Geridə qalan 22 turdan sonra MFL 2019/2020-ci il mövsümünün İnfinity konferensiyasında ilk 8-lik belədir:

Turnir cədvəlinin tamamına burada baxa bilərsiniz.

Geridə qalan 22 turdan sonra MFL 2019/2020-ci il mövsümünün Platinum konferensiyasında ilk 8-lik belədir:

Turnir cədvəlinin tamamına burada baxa bilərsiniz.

LSS MFL 2019/20 Liqası – Leading Supply Solutions LLC, BOS SHELF LLC, McDonald's Azerbaijan, Muğanbank, Sabah Futbol Klubu, Carlsberg AzerbaijanGoSport Baku-nun sponsorluğu ilə keçirilir.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net