1news.az

Mədəniyyət Nazirliyindən Xalq artistinin dəfni ilə bağlı vətəndaşlara MÜRACİƏT

27 Mart saat 13:38 ~ 1 dəqiqəlik oxu 171
Mədəniyyət Nazirliyindən Xalq artistinin dəfni ilə bağlı vətəndaşlara MÜRACİƏT

Mədəniyyət Nazirliyi koronavirus infeksiyasının qarşısının alınması məqsədilə Azərbaycanda tətbiq olunan xüsusi rejimin qaydalarına riayət olunması üçün Xalq artisti Rauf Babayevin dəfni ilə bağlı vətəndaşlara müraciət edib.

Bu barədə Mədəniyyət Nazirliyinin mətbuat xidmətinin rəhbəri İntiqam Hümbətov 1news.az-a açıqlamasında bildirib.

İ.Hümbətov qeyd edib ki, heç kim dəfn mərasiminə gəlməməlidir:

"Rauf Babayevin vəfatı mədəniyyətimizə ağır itkidir. Kütləvi informasiya vasitələri ilə vətəndaşlarımıza müraciət edirik ki, heç kim dəfn mərasiminə gəlməsin. Hökumətin karantin rejimi ilə bağlı sosial izolyasiya qərarı var. Hər kəs buna əməl etməli, diqqətli olmalıdır. 10 nəfərdən çox insanın bir yerdə toplaşması qadağan olunub. Mədəniyyət xadimimizin itikisi ilə əlaqədar ailəsinə, yaxınlarına və xalqımıza başsağlığı veririk. Dəfn mərasimi ailə üzvlərinin iştirakı ilə İkinci Fəxri Xiyabanda keçiriləcək".

Xatırladaq ki, xalq artisti, müğənni Rauf Babayev bu gün 82 yaşında vəfat edib.

Allah rəhmət eləsin!

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net