1news.az

Nişanlı idi, toyu olacaqdı, şəhidlik zirvəsinə ucaldı - VİDEO

13 Yanvar saat 12:16 ~ 1 dəqiqəlik oxu 1780
Nişanlı idi, toyu olacaqdı, şəhidlik zirvəsinə ucaldı - VİDEO

"Bu yolda şəhid olmağa hazıram, siz də hazır olun!" bunu hərbi xidməti dövründə valideynlərinə Saleh Məcidzadə deyib. O, vətən müharibəsinin ilk günündən döyüşlərə yollanıb və şücaətləri ilə seçilib. Cəbrayıl istiqamətində gedən döyüşlərdə də qəhrəmancasına şəhid olub.

1news.az xezerxeber.az-a istinadən bildirir ki, nişanlı idi, toya hazırlaşırdı. Üçrəngli bayrağa bürünməyi bəy kostyumundan üstün tutdu.

Biləsuvardan olan şəhid Saleh Məcidzadə də Vətən Müharibəsində şücaəti ilə seçilənlərdəndir. O, 2016-ci ildə Xüsusi Təyinatlı Qüvvələrin sıralarına qatılıb. Aprel döyüşlərində və Tovuzda düşmən diversiya qruplarının məhv edilməsində xüsusi məharət göstərib və təltif edilib. Saleh sentyabrın 26-da valideynlərinə zəng edərək evə gələcəyini bildirib. Lakin səhəri günü evə yox, döyüş meydanına yollanıb.

Çətin tapşırıqların öhdəsindən bacarıqla gələn Saleh Məcidzadə oktyabrın 10-da Cəbrayıl istiqamətində gedən döyüşlərdə şəhid olub. Yaxınlarının sözlərinə görə, Saleh çox qapalı insane olub və işi haqqında çox danışmayıb. Lakin həmişə hərbidən və müharibədən söhbət düşəndə "Bu yolda şəhid olmağa hazıram, siz də hazır olun"- deyib.

Saleh Məcidzadə ölümündən sonra "Azərbaycan Bayrağı" ordeni, "Vətən Uğrunda" və "Cəbrayılın azad olunmasına görə" medalları ilə təltif edilib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net