1news.az

Ötən il 6 minə yaxın KOB subyekti arasında sorğu keçirilib

17 Yanvar saat 11:28 ~ 1 dəqiqəlik oxu 780
Ötən il 6 minə yaxın KOB subyekti arasında sorğu keçirilib

2019-cu ildə İqtisadiyyat Nazirliyinin tabeliyində Kiçik və Orta Biznesin İnkişafı Agentliyi (KOBİA) tərəfindən mikro, kiçik və orta sahibkarlıq (KOB) subyektləri arasında 15 sorğu keçirilib.

1news.az-ın verdiyi xəbərə görə, Bakı şəhərində və ölkə regionlarında fəaliyyət göstərən KOB-lar arasında keçirilmiş sorğular elektrik şəbəkəyə qoşulma, məhkəmə sistemi üzrə aparılmış islahatlar, tikintiyə icazələrin verilməsi, şirkətlərdə korporativ idarəetmənin tətbiqi, sahibkarların təlim, peşə və ixtasaslara olan ehtiyacının müəyyənləşdirilməsi, biznes mühitinin yaxşılaşdırılması sahəsində aparılan islahatlar, idxal-ixrac əməliyyatları, özünüməşğulluq istiqamətlərini əhatə edib.

KOB-ların ehtiyaclarının və təkliflərinin öyrənilməsi, qarşılaşdıqları çətinliklərin müəyyən edilməsi məqsədilə təşkil edilən sorğularda 6 minə yaxın KOB subyekti iştirak edib və ümumilikdə 180-dən çox sual cavablandırılıb.

Sorğuların cavabları ümumiləşdirilib, təhlil edilib və hazırda nəticələr üzrə müvafiq tədbirlər görülür. 

S.Xankişiyeva

 

 

 

 

 

 

 

 

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net