1news.az

Səfirlik: “DQR” komandası Tehrandakı olimpiadada iştirak etmir

18 Sentyabr saat 12:02 ~ 1 dəqiqəlik oxu 89
Səfirlik: “DQR” komandası Tehrandakı olimpiadada iştirak etmir

Azərbaycanın işğal edilmiş Dağlıq Qarabağ ərazisindəki separatçı rejimin komandasının Tehranda erməni idman olimpiadasında iştirakı ilə bağlı yayılan xəbərlər tamamilə əsassızdır.

1news.az xəbər verir ki, bu barədə İranın Azərbaycandakı səfirliyinin bəyanatında deyilir.

“Səfirliyin İran İslam Respublikasının rəsmi idman orqanlarından aldığı xəbərə əsasən, qondarma "DQR"dən hər hansı bir komandanın bu idman olimpiadasında iştirakı üçün heç bir icazə verilməyib. Həmçinin, bildirilir ki, bu olimpiada qeyri-siyasi xarakter daşıyır və ondan siyasi məqsədlər üçün istifadə edilməsinə yol verilməyəcək. Səfirlik bir daha vurğulayır ki, İran İslam Respublikası Azərbaycan Respublikasının müstəqillik əldə etdiyi ilk və ağır günlərində həmişə qardaş Azərbaycan dövlətinin və millətinin yanında olub, Azərbaycanın ərazi bütövlüyünü dəstəkləməklə bu siyasətini dəyişməyəcəkdir.

İran və Azərbaycan dostluğu əbədidir, həqiqətə uyğun olmayan xəbər və şayiələr iki millətin dost və qardaşlığına xələl gətirə bilməz”, bəyanatda vurğulanıb.

P.Sultanova

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net