1news.az

Siyasi Psixologiya Mərkəzi və “Harvard Kennedy School”-un azərbaycanlı məzunları onlayn “work shop” keçirəcək

12 Avqust saat 13:34 ~ 1 dəqiqəlik oxu 2260
Siyasi Psixologiya Mərkəzi və “Harvard Kennedy School”-un azərbaycanlı məzunları onlayn “work shop” keçirəcək

Avqust ayı ərzində “Konfliktlərin idarə edilməsi” mövzusunda 4 sessiyadan ibarət “work shop” təşkil ediləcək.

1news.az xəbər verir ki, Siyasi Psixologiya Mərkəzi və ABŞ-ın nüfuzlu təhsil ocaqlarından olan “Harvard Kennedy School”-un azərbaycanlı məzunları tərəfindən təşkil edilən “work shop”-un ilk sessiyası ayın 11-də baş tutub. Qeyd edək ki, 11 avqustdan 20 avqust tarixinə qədər 4 sessiyanın keçirilməsi planlaşdırılır.

“Work shop”-un əsas məruzəçisi münaqişə tərəfləri arasında danışıqların aparılması üzrə peşəkar mütəxəssis Emili Epşteyndır. Daha öncə Harvard Hüquq məktəbində hüququ tədris edən, E.Epşteyn hazırda isə ABŞ-ın Berkli universitetində  fəaliyyətini davam etdirir.

Onlayn rejimdə keçiriləcək sessiyalarda müasir dövrdə konfliktlərin idarə edilməsində tətbiq edilən son akademik nəzəriyyələr müzakirə ediləcək. Əsas olaraq Ermənistan-Azərbaycan münaqişəsi götürüləcək. Sessiyalarda nəzərdən keçiriləcək istiqamətlər - münaqişə tərəfləri ilə iş zamanı istifadə edilən metodikalar, qərar qəbul edən tərəf ilə danışıqların aparılması olacaq. 

İlk sessiyada müxtəlif sahələrdə fəaliyyət göstərən, qeyri hökumət təşkilatlarının əməkdaşları, ölkənin sosial gündəmində fəallığı ilə seçilən şəxslər eləcə də özəl şirkətlərin rəhbərləri iştirak edib.

Mövzu ilə əlaqədar aparılan fikir mübadiləsinə Azərbaycan respublikasının Parlament üzvləri, dövlət qurumlarının idarə mərkəzlərinin əməkdaşları da qoşulub.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net