Snayperlə 89 ermənini öldürən “Əjdaha” ləqəbli kəşfiyyatçımız | 1news.az | Xəbərlər
Cəmiyyət

Snayperlə 89 ermənini öldürən “Əjdaha” ləqəbli kəşfiyyatçımız

12:30 - 30 / 11 / 2020
Snayperlə 89 ermənini öldürən “Əjdaha” ləqəbli kəşfiyyatçımız

"Şəhid olsam kəndin girəcəyində adıma bir bulaq düzəldərsiz, amma suyu daim gəlsin".

1news.az xəbər verir ki, bu sözlər İkinci Qarabağ müharibəsində qəhrəmancasına şəhid olan Rüfət Məmmədliyə aiddir. 89 ermənini məhv edən şəhidimiz yaralı olan zaman xalası oğlu Rafaelə mesaj yazaraq son arzusunu çatdırıb...

Məmmədli Rüfət Vidadi oğlu 1993-cü il noyabrın 23-də Ağstafa rayonunun Saloğlu qəsəbəsində dünyaya gəlib. 2000-ci ildə Saloğlu qəsəbə Asim Namazov adına tam orta məktəbinin 1-ci sinfinə daxil olub. 2011-ci ildə həmin məktəbi bitirib. Uşaqlıqdan vətənpərvər ruhda böyüyən Rüfət 2012-ci ilin aprelində Vətənə müqəddəs borcunu yerinə yetirmək üçün hərbi xidmətə yollanıb. Ordu sıralarında olan zaman döyüşçü yoldaşlarının, dostlarının hörmətini, məhəbbətini qazanıb. 2013-cü ilin oktyabr ayında Vətən qarşısındakı müqəddəs borcunu yerinə yetirib və xidməti başa vuraraq evə qayıdıb.

2014-cü ilin iyun ayının 21-də ailə həyatı qurub. Elə həmin ildə də yenidən ordu sıralarına qayıdıb. O, N saylı hərbi hissəsdə MAXE kimi Vətənə xidmət etməyə başlayıb. Rüfət kəşfiyyatçı ixtisası üzrə tam kurs keçib, 2015-ci ildə nümunəvi hərbi xidməti, döyüş və ictiami-siyasi hazırlığında əldə etdiyi nailiyyətə görə, fəxri fərmanla təltif olunub.

2016-cı ilin mayın 14-də "ən yaxşı kəşfiyyatçı snayper" adı uğurunda keçirilən yarışda birinici yerə layiq görülüb və fəxri fərmanla təltif edilib. Həmin il Türkiyədə 1 aylıq kursda iştirak edib və kursu nailiyyətlərlə başa vurub.

Rüfət Məmmədli 2016-cı ilin Aprel döyüşlərində də iştirak edib. Döyüşlərdə göstərdiyi şücaətə görə bir il sonra ona kiçik gizir rütbəsi verilib. 2017-ci ilin may ayında keçirilən "ən yaxşı kəşfiyyatçı snayper" adı uğurunda yarışda birinci yerə layiq görülüb. O, yenə fəxri fərmanla təltif edilib.

Rüfət qəlbində Vətən sevgisi, torpaq istəyi olan cəsur bir döyüşçü kimi 2020-ci ilin iyun ayında Tovuz döyüşlərində iştirak edib. O, komandirləri tərəfindən verilən bütün döyüş tapşırıqlarını ləyaqətlə yerinə yetirib. Senytabrın 27-də İkinci Qarabağ müharibəsi başlayan zaman isə Rüfət könüllü olaraq Xüsusi Təyinatlı Qüvvələrə yazılıb. O, erməni işğalçılarına qarşı gedən Vətən Müharibəsində bacarıqlı bir hərbi qulluqçu kimi igidliklər göstərib. Məmmədli eyni zamanda düşmənə qarşı aparılan döyüş əməliyyatları vaxtı komandirlərinin verdiyi bütün tapşırıqları nümunəvi bir şəkildə yerinə yetirib. Xüsusi qəhrəmanlıqları ilə seçilən Rüfət bir neçə rayonumuzun işğaldan azad olunması uğurunda gedən döyüşlərdə qəhrəmalıqlar göstərib. Şuşa uğurunda gedən döyüşdə - noyabrın 8-də qəhrəmançasına həlak olub. Şəhidlik zirvəsinə yüksələn Məmmədlinin ölümündən sonra döyüş yoldaşları uğurunda döyüşdüyü Şuşanı işğaldan azad edib. Noyabrın 12-də Saloğlu kəndində dəfn olunub.

Torpaq uğurunda canından keçən Rüfətin 2 azyaşlı övladı Vətənə əmanət qaldı...

Döyüş yoldaşlarının sözlərinə görə, Rüfət İkinci Qarabağ Müharibəsində 89 erməni əsgər və zabitini öldürüb və ona "Əjdaha" ləqəbi verilib. Bildirilir ki, o, Şuşada düşmənə məxsus hərbi avtomobillərin sürücülərini snayperlə məhv edib. Hətta döyüşlərdə Ermənistan silahlı qüvvələrinin yüksək rütbəli zabitlərini də öldürüb. Qeyd edilir ki, Məmmədli döyüş zamanı təkbaşına düşmən postuna daxil olaraq onları məhv edib.

Rüfət artıq aramızda yoxdur, onun isə son bir arzusunu biz heç vaxt unutmayacağıq. Doğulub boya-başa çatdığı kəndində onun adına daim suyu gələn bir bulaq... İnşallah tezliklə cənnətdə arzuna çatarsan, cənab gizir!

Torpaq, uğrunda ölən varsa, Vətəndir! Ruhun şad olsun, Məmmədli!

1news.az

Paylaş:
1920

Son xəbərlər

“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24
Bütün xəbərlər