1news.az

Son sutkada dünyada 100 264 koronavirusa yoluxma halı qeydə alınıb

26 May saat 11:46 ~ 1 dəqiqəlik oxu 3180
Son sutkada dünyada 100 264 koronavirusa yoluxma halı qeydə alınıb

Dünyada koronavirusa yoluxanların sayı son sutka ərzində 100 mindən çox artıb.

1news.az-ın Trend-ə istinadən verdiyi xəbərə görə, bu barədə Ümumdünya Səhiyyə Təşkilatının gündəlik hesabatında deyilir.

Mayın 25-ü saat 12:00 üçün olan məlumata əsasən, ötən sutka ərzində 100 264 nəfər yeni koronavirusa yoluxub, 4 342 nəfər isə dünyasını dəyişib. Yoluxanların ümumi sayı 5 304 772, ölənlərin isə 342 029 nəfərə çatıb.

Ən çox yoluxma və ölüm halları Cənubi və Şimali Amerikada qeydə alınıb - 2 395 295 yoluxma və 141 472 ölüm halı.

Bu göstəricilərə görə ikinci yerdə olan Avropada yoluxanların sayı 2 025 176, ölənlərin sayı isə 174 429 nəfərə çatıb.

Qərbi-Sakit okean regionunda ümumilikdə 427 832 yoluxma və 11 164 ölüm halı qeydə alınıb.

Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net