1news.az

Soydaşımız Estoniyada siyasi partiyanın həmsədri seçildi

25 Sentyabr saat 16:04 ~ 1 dəqiqəlik oxu 2150
Soydaşımız Estoniyada siyasi partiyanın həmsədri seçildi

Estoniyada yaşayan Züleyxa İsmayılova bu ölkədə fəaliyyət göstərən "Yaşıllar" partiyasının həmsədri seçilib.

Diasporla İş üzrə Dövlət Komitəsindən verilən məlumata görə, bu, sentyabrın 12-də keçirilmiş qurultayda partiyanın nizamnaməsinə edilmiş dəyişikliklər nəticəsində baş verib. Dəyişikliklərə əsasən, partiyaya 2 həmsədr rəhbərlik edəcək. Həmsədr seçilən soydaşımıza ətraf mühitin qorunması məsələləri həvalə edilib.

Xatırladaq ki, Züleyxa İsmayılova siyasətçi olmaqla yanaşı eko-aktivist, fotoqraf və jurnalistdir. Öncə ətraf mühitin müdafiəsi məsələləri ilə məşğul olan "Eston yaşıllar hərəkatı"nda könüllü kimi fəalliyət göstərib, 2005-ci ildən siyasətə qoşularaq Sosial-Demokatlar Partiyasına daxil olub. 2012-ci ildə bu partiyanı tərk edib, iki il sonra "Estoniya Yaşılları" partiyasına üzv olmağa üstünlük verib.

Qeyd edək ki, Z.İsmayılova 1985-ci ildə Tallində dünyaya göz açıb. Atası azərbaycanlı, anası estondur. Atasının vəfatınadək ailəsi Azərbaycanda yaşayıb. Sonra anası və bacısı ilə birlikdə Estoniyaya qayıdıb, 2017-2019-cu illərdə Tallinn şəhərinin vitse-meri vəzifəsində işləyib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net