Bakı və İstanbul arasında hava əlaqəsi bərpa edilib
Dünən axşam İstanbulun Atatürk hava limanında baş verən terror aktlarından sonra Bakı və İstanbul arasında hava əlaqələri bu gün səhərdən bərpa edilib.
Bu haqda “Azərbaycan Hava Yollar” (AZAL) QSC-nin prezidentinin köməkçisi Paşa Kəsəmənski 1news.az-a açıqlamasında bildirib.
“Saat 08:45-də bizim təyyarə artıq İstanbula yol düşüb və 13:20-də oradan geri qayıtmalıdır. Dünən gecə orada qalan təyyarəmizə gəldikdə isə, biz onun bu gün saat 13:00-da İstanbuldan qalxacağını planlaşdırırıq. Hər şey İstanbul hava limanının iş rejimindən asılıdır”, - deyə, P.Kəsəmənski qeyd edib.
Onun sözlərinə görə, dünən axşamdan Azərbaycanın bütün hava limanları gücləndirilmiş iş rejiminə keçiblər, yüksək təhlükəsizlik tədbirləri görülür.
Qeyd edək ki, Atatürk hava limanında həyata keçirilən 3 partlayış nəticəsində 36 nəfər həyatını itirib, 147 nəfər müxtəlif dərəcəli xəsarət alıb.
1news.az
