ru

Cəmiyyət

22 Yanvar saat 16:34

Mojtaba Haşemzadeh: bariatrik cərrahiyyə - artıq çəkili insanların sağlamlıqlarının qorunması üçün real şansdır

Mojtaba Haşemzadeh: bariatrik cərrahiyyə - artıq çəkili insanların sağlamlıqlarının qorunması üçün real şansdır

Mərkəzi Gömrük Hospitalının prioritet inkişaf istiqamətlərindən biri də bariatrik cərrahiyyədir.

Hospitalın bariatrik cərrahı, t.f.d. Mojtaba Haşemzadeh ABŞ-ın Nyu York şəhərində Beth Universitetinin bariatrik cərrahiyyə fakültəsini, İran İslam Respublikasının Məşhəd Tibb Universitetini  və Tehran Tibb Universitetini bitirib. Bu həkim dünyanın müxtəlif klinikalarında 8000-dən artıq bariatrik əməliyyatı uğurla icra edib. Hazırda onun pasiyentləri Mərkəzi Gömrük Hospitalına nəinki Azərbaycandan, həm də Böyük Britaniya, Kanada, İsveçrə, ABŞ, İran və başqa ölkələrdən müraciət edirlər.

Bariatrik cərrah Mojtaba Haşemzadeh “Həkim Məsləhəti” rubrikasında bariatrik əməliyyatların növləri haqqında məlumat verir.

- Doktor, bilirik ki, bariatrik əməliyyatların müxtəlif növləri var. Hansı hallarda bu əməliyyatları etmək lazımdır?

- İlk öncə bildirmək istəyirəm ki, Mərkəzi Gömrük Hospitalında istər mədəyə balon yerləşdirilməsi, istərsə də bütün növ mədə kiçiltmə əməliyyatları həyata keçirilir. Bu əməliyyatların seçimi pasiyentin boyundan və çəkisindən asılı olaraq müəyyən olunur. Əgər biz fərdin çəkisini boyunun kvadratına bölsək, ortaya çıxan indeks piylənmənin dərəcəsini göstərir. Bədən kütlə indeksi 18,5-dən 25-ə qədər olarsa, bu, normal göstəricidir.

Bədən kütlə indeksi 18,5-dən aşağı olarsa, bu insanlar çox arıq hesab edilir. Bədən kütlə indeksi 25 ilə 30 arasında olan insanlar artıq çəkili şəxslər sayılır. Köklük xəstəliyində bədən kütlə indeksi 30-dan yuxarı olur. Bu səbəbdən həmin şəxslər köklük və ya artıq çəki xəstəliyinə məruz qalan şəxslər kateqoriyasına aid edilir.  

Bədən kütlə indeksinin 30-dan nə qədər yuxarı olmasından asılı olaraq, müəyyən kateqoriyaya aid xəstələrdə müəyyən müalicə metodları da fərdi olaraq təyin olunur. Məsələn, bədən kütlə indeksi 30-35-dən yuxarı olan insanları, mədələrinə endoskopik üsulla balon yerləşdirməklə müalicə etmək mümkündür. Əgər bu indeks 35-40 olarsa, onlara, mədəkiçiltmə əməliyyatı olan esliv əməliyyatı təyin olunur.

Hansı xəstələrdə ki, bədən kütlə indeksi 40-dan yuxarıdır, onlara By Pass deyilən əməliyyat məsləhət görülür. Şəkərli diabet xəstələrinə isə adətən cərrahi ədəbiyyatda SASİ adlanan əməliyyat məsləhət görülür. Ona görə də həmin əməliyyat bir metabolik cərrahiyyə metodu sayılır. Digər qeyd etdiyim  əməliyyatların hamısı isə bariatrik əməliyyatlar hesab edilir. Daha öncə qeyd etdiyim kimi Mərkəzi Gömrük Hospitalında metabolik və bariatrik əməliyyatlar  həyata keçirilir.

Mən qeyd etmək istəyirəm ki, bariatrik cərrahiyyə - piylənmə və artıq çəkidən əziyyət çəkən insanların ömrünün uzadılması və sağlamlıqlarının qorunması üçün real şansdır. Bu xəstəliyi hər cür yolla, hətta cərrahi müdaxilə yolu ilə müalicə etmək önəmlidir.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur