Küləkli hava Qubada yanğının söndürülməsini çətinləşdirir – YENİLƏNİB
Şabran və Quba rayonları sərhədindəki kolluq ərazilərdə başlayan yanğın davam edir.
1news.az-ın Report-a istinadla verdiyi xəbərə görə, yanğının söndürülməsi üçün cəlb olunan Fövqaladə Hallar Nazirliyinin texnika və canlı qüvvəsi, Ekologiya və Təbii Sərvətlər Nazirliyinin, Quba Rayon İcra Hakimiyyətinin nümayəndələrinin və yerli sakinlərin səfərbər olunmasına baxmayaraq güclü külək və ərazisinin dağlıq relyefə malik olması, yanğının lokallaşdırılmasına mənfi təsir göstərir.
Yanğın baş verən ərazidə olan Quba Rayon İcra Hakimiyyəti başçısı Ziyəddin Əliyev yanğının söndürülməsi istiqamətində müvafiq göstəriş və tövsiyələrini verib.
Yanğının söndürülməsi işləri davam edir.
14.00
Şabran və Quba rayonlarının ərazisində meşə zolağında güclü yanğın başlayıb.
Hazırda Şabranın Aygünlü kəndi və Qubanın Zərqova kəndlərində meşəlik ərazidə yanğın davam edir.
Əraziyə Fövqəladə Hallar Nazirliyinin Yanğından Mühafizə Xidmətinin regional bölməsinin yanğınsöndürən avtomobilləri və canlı qüvvə cəlb edilib.
Oxu.Az
S.Xankişiyeva