Zidan «Real»ın baş məşqçisi ola bilər

İspaniyanın “Real” klubu baş məşqçisi Rafael Beniteslə yollarını ayıra bilər.

Sportbox.az-ın məlumatına görə, buna səbəb klub rəhbərliyinin, eləcə də futbolçuların ispaniyalı mütəxəssisin işindən narazı olmasıdır.

Artıq Madrid klubunda Benitesi kimin əvəzləyəcəyi də məlumdur. Bu “Real”ın ikinci komandası olan “Kastilya”ya rəhbərlik edən keçmiş məşhur futbolçu Zinəddin Zidandır.

İspaniya mətbuatının yazdığına görə, artıq Zidana indidən məşqçilər korpusunu formalaşdırmağa başlaması tapşırığı da verilib. Məhz bu səbəbdən də Zidan Fransanın yüksək liqasında çıxış edən klublardan birindən gələn təklifi qəbul etməyib.

Lakin Zidan Madrid klubuna indi deyil, hazırkı sezonun başa çatmasından sonra, yaydan rəhbərlik etmək istəyir.

Sportbox.az