Nataliya Oreyro: “Azərbaycanlı pərəstişkarlarıma solo-konsert verməyə hazıram”
Dünyada məşhur uruqvaylı aktrisa və müğənni Nataliya Oreyro Azərbaycanda konsert vermək istədiyini deyib.
1news.az Gün.Az-a istinadən xəbər verir ki, bir neçə gün öncə Sankt-Peterburqda keçirilən “Супердискотека 90-х” - Радио Рекорд” adlı layihə çərçivəsində səhnəyə rusların milli baş örtüsü “kokoşnik”lə çıxan müğənni, daha sonra həmyerlimiz Məhərrəm Məhərrəmovla görüşüb.
Oxucularımıza bildirək ki, M.Məhərrəmov gənc rəssamdır. O, həmçinin Azərbaycan Rəssamlar İttifaqının üzvüdür. M.Məhərrəmov “Natalia Oreiro Azerbaycan official” fan klubunun rəhbəridir.
M.Məhərrəmov saytımıza açıqlamasında bildirib ki bu, N.Oreyro ilə sayca üçüncü görüşüdür.
“Nataliya məni azərbaycanlı nümayəndə kimi çox səmimi və mehriban qarşıladı. Ölkəmizlə bağlı məlumatının olduğunu, buradakı pərəstişkarlarından tez-tez məktublar aldığını dedi.Çox səmimi, gülərüzlü, zarafatcıl insandır. Mən Azərbaycanımızın simvolu olan, üzərini özüm işlədiyim armudu stəkan və Qız qalası suvenirini ona hədiyyə etdim. Böyük maraq hissi ilə hədiyyələrlə bağlı suallar verdi, cavabımı diqqətlə dinlədi.
Ona Azərbaycanla bağlı fotolar göstərdim, adət-ənənələrimizdən danışdım. O, “Çox xoşbəxtəm ki, dünyanın hər yerindən məni sevənlər var. Bu da mənə güc verir, böyük məmnuniyyətlə azərbaycanlı pərəstişkarlarımın mənə olan sevgi rəğbətinə cavab olaraq, onlar üçün solo-konsert verməyə hazıram” - deyə, bildirdi”.
Qeyd edək ki, “Vəhşi mələk”, “Varlılar və məşhurlar” və “Modellər - 90-60-90” seriallarındakı obrazları ilə sevilən sənətçi
M.Məhərrəmov tərəfindən yaradılan “Natalia Oreiro Azerbaycan official” fan klub üzvlərinə salam göndərib, avtoqraf verərək, Azərbaycanla bağlı xoş fikirlərini yazıb.
