Dilarə Kazımova “Runnig” mahnısı ilə səhnəyə qayıtdı – AUDİO- FOTO

Müğənni Dilarə Kazımovanın  “Running” adlı ilk sinqlı işıq üzü görüb.

Təxminən bir il yarımdan artıqdır ki, Dilarə eyniadlı mini-albomun yeni musiqi materiallarının hazırlanması ilə məşğul olub.

“Biz “Mənim” mahnılarımın axtarışında idik. Bu da çox zaman aldı. Mən nəticələrdən razıyam. “Running” mahnısı mənə yaxın olan və ifa etdiyim güclü mahnılardan biridir.

Bu musiqi parçası nə xoşbəxt, nə də bədbəxt sevgi hekayəsi deyil, burada mən həqiqi və dürüstəm”-deyə, 1news.az-a müsahibəsi zamani Dilarə Kazımova bildirib.

Gələn həftə sosial şəbəkələrdə “Running” klipinin kiçik parçası yayımlanacaq. Videonun təqdimatının 22 dekabrda keçirilməsi nəzərdə tutulur.