Rasim Musabəyov: “Türkiyəni Qarabağ mövqeyinə görə tənqid edən cənab Lukaşeviç öz səlahiyyətlərini aşır”
Rusiyanın ATƏT yanında daimi nümayəndəsi Aleksandr Lukaşeviçin “Dağlıq Qarabağ münaqişəsində Türkiyənin mövqeyini destruktiv adlandırması haqqında” mülahizələri Rusiya-Türkiyə münasibətlərinin pisləşməsindən xəbər verir, bu haqda Milli Məclisin deputatı, politoloq Rasim Musabəyov bildirib.
Bu yaxınlarda A.Lukaşeviç bəyan edib ki, Türkiyənin təklif etdiyi kimi Qarabağ münaqişəsində tərəflərdən birini (Azərbaycanı nəzərdə tutur – red.) müdafiə etməsi destruktivdir.
Musabəyovun sözlərinə görə, bu, Türkiyənin təkcə Azərbaycanı deyil, eyni zamanda beynəlxalq hüququ müdafiə etməsi ilə bağlıdır.
“Rusiyalı nümayəndə bu cür bəyanatlar verəndə unutmamalıdır ki, Ermənistanın ərazisində rus hərbi hissələri yerləşir, Rusiya yüksək vəzifəliləri Ermənistanı forpost adlandırırlar. Çətin ki, bu obyektivliklə bağlıdır və guya ki Rusiya heç bir tərəfi dəstəkləmir”, - politoloq dedi.
Siyasətçi qeyd edib ki, hazırda rus nümayəndələri hər yerdə Türkiyəyə olan düşmənçilik və mənfi münasibətilərini göstərirlər.
“Hazırki bəyanat danışıqlar prosesinə heç cür təsir göstərə bilməz”, - bu sözləri söyləyən R.Musabəyov qeyd edib ki, Azərbaycanın da ATƏT-də nümayəndəsi var və lazım gələrsə həmin nümayəndə buna cavab verə bilər. Eyni zamanda türklər özləri də bu hadisəyə reaksiya verə bilərlər.
R.Musabəyov eyni zamanda A.Lukaşeviçin həmsədrlərdən yalnız Rusiya, ABŞ və Fransa əsas yükü daşıyırlar və aparıcı rol yalnız onlara məxsusdur fikrinə də münasibət bildirib.
“Rusiyanın ATƏT yanında daimi nümayəndəsiməsələni şişirdir, belə ki, vasitəçilik xidmətlərini, eyni zamanda münaqişənin həlli məsələsində öz münasibətini istənilən ölkə göstərə bilər.Cənab Lukaşeviç öz səlahiyyətlərini aşır, heç kəs heç bir ölkəni prinsipial mövqe göstərmək hüququndan məhrum etməyib”, - o, dedi.
Politoloq hesab edir ki, Rusiya-Türkiyə münasibətlərinin pisləşməsi hər hansı mənada Dağlıq Qarabağ münaqişəsinin həllinə də təsir göstərə bilər.
“Aydındır ki, Rusiya ilə Türkiyə arasında anlaşılmazlıq və düşmənçilik varsa, bu, münaqişənin həlli üçün əlverişli şərait deyil”, - R.Musabəyob deyib.
1news.az
