Sabah Bakıda Formula-1 yarışının açılış atəşfəşanlığı olacaq

2016-cı ildə Bakıda keçiriləcək Formula 1 üzrə Avropa Qran-Prisinin biletləri dekabrın 19-dan onlayn satışa çıxarılacaq.

1news.az xəbər verir ki, Bakı Şəhər Halqasından (BŞH) verilən məlumata görə, satışın başlaması həmin ərəfədə paytaxtda təşkil olunacaq möhtəşəm “Son 6 ay” tədbiri ilə eyni günə təsadüf edəcək.

Biletləri www.bakucitycircuit.com saytı vasitəsilə yarışa düz 6 ay qalanda, yəni sabah əldə etmək mümkün olacaq.

“Son 6 ay” tədbiri Dənizkənarı Bulvar ərazisində canlı musiqi və atəşfəşanlıqla müşayiət olunacaq.