Valyutadəyişmə məntəqələrində həyəcan olmayacaq, cünki əhalidə manatla əmanət hesabı qalmayıb
Manatın məzənmnəsində enmənin səbəbi neft qiymətindəki düşmə ilə əlaqədar Azərbaycanın gəlirlərinin kəskin azalmasıdır.
Bu haqda 1news.az-a Azərbaycan Neft Araşdırmaları Mərkəzinin direktoru İlham Şaban məlumat verib.
Onun sözlərinə görə, neft ixracı ölkə gəlirlərinin böyük bir hissəsini təşkil edir. Bu mənada neftin qiymətinin düşməsi və dolların digər dünya valyutalarına nəzərən möhkəmlənməsi manatın məzənnəsinə təsirsiz qala bilməzdi.
Ekspertin fikrincə ,manatın qiymətində hazırkı enmə bu ilin əvvəli ilə müqayisədə daha kəskin şəraitdə baş verir.
“Lakin digər tərəfdən artıq əhali arasında həyəcanlanma baş verməyəcək. Fevral ayındakı ilk devalvasiya zamanı insanların həmin günün səhəri, yəni, 22 fevralda banklara axın edərək manatla olan depozitlərini dollara çevirdiyini müşahidə etmişdik. Fevral ayından sonra hesablarda olan depozitlərin 85 faizi xarici valyutaya köçürülmüşdü. Bu dəfə artıq həyəcanlanma olmayacaq, cünki əsas vəsaitlərin hamısı dollarla yatırılıb və manatla əmanət hesabı faktiki olaraq yoxdur” – deyən İ.Şaban qeyd edib ki fevral ayından əhali banka manatla depozit qoymayıb.
İ.Şaban bildirib ki, artıq dünən manatın qiymətinin enməsi ilə bağlı xəbərlər yayılmışdı. İndi böyük ticarət obyektləri qiymətləri yenidən nəzərdən keçirmək üçün bağlanacaq.
Neftin qiymətinə gəlincə, Azərbaycan Neft Araşdırmaları Mərkəzinin direktoru neft qiymətində enmənin 2014-cü ilin iyun ayından davam etdiyini bildirib.
Mövzu ilə bağlı oxuyun:
Brend neftinin qiyməti 36.2 dollara düşdü
“Neftin qiymətində enmə davam edir və sonu görünmür. Proqnozlar haqqında danışmaq mübahisəlidir. Bir şey aydındır ki, düşmə nə qədər sürətli olarsa, yüksəlmə də o qədər güclü olacaq. Bir məsələ var ki, neftin qiyməti qalxıbsa düşə də bilər. Cünki dünya bazarı artıq dolub və dünya iqtisadiyyatına böyük həcmdə neft gərək deyil. Belə qənaətə gəlmək olar ki, neftin qiyməti yaxın illərdə 60 dollar civarında olacaq və bu optimal qiymətdir” -deyə İ.Şabanov qeyd edib.
