SAM-ın direktoru İstanbulda səfərdədir

Prezident yanında Strateji Araşdırmalar Mərkəzinin direktoru Fərhad Məmmədov Türkiyənin İstanbul şəhərinə səfər edib.

1news.az-ın məlumatına görə, SAM rəhbəri 21-22 dekabr tarixlərində “Türk dövlətləri arasında və Avrasiyada regional əməkdaşlığın inkişaf etdirilməsində imkanlar və çağırışlar” mövzusunda Türkdilli Dövlətlərin Əməkdaşlıq Şurası Rəsmi Beyin Mərkəzlərinin görüşündə iştirak edəcək.

Türkiyənin Xarici İşlər Nazirliyi tərəfindən təşkil olunan görüşdə “Türkdilli dövlətlər arasında siyasi, sosial, iqtisadi istiqamətlərdə regional əməkdaşlığın inkişaf potensialı”, “Avrasiya regionunda iqtisadi və siyasi inkişaf və onun türkdilli dövlətlərin regional əməkdaşlığına təsiri”, “Türkdilli dövlətlər arasında və regionlarda əməkdaşlığa dair ümumi planın inkişafı (2016-2020)” və s. kimi mövzularda müzakirələr planlaşdırılır.

1news.az