Rahid Əmirquliyev «Qarabağ»a keçdi

Azərbaycan millisinin və “Xəzər Lənkəran” klubunun futbolçusu Rahid Əmirquliyev komandasını dəyişib.

Sportbox.az-ın məlumatına görə, cənubluların düşərgəsini tərk edən 26 yaşlı yarımmüdafiəçi “Qarabağ” klubu ilə anlaşıb. “Qarabağ”la 2,5 illik müqaviləyə imza atan Əmirquliyev yanvar ayının 5-dən Ağdam təmsilçisi ilə məşqlərə başlayacaq.

Qeyd edək ki, 2006-cı ildən “Xəzər Lənkəran”da çıxış edən yarımmüdafiəçi “ağ-yaşıllar”a Qusar “Şahdağ”ından transfer edilmişdi.

Sportbox.az