Dövlət Gömrük Komitəsinin sədri Şirvan, Hacıqabul, Sabirabad vətəndaşlarını qəbul edib
Şirvan Gömrük idarəsinin inzibati binasında Dövlət Gömrük Komitəsinin sədri Aydın Əliyevin vətəndaşlarla növbəti qəbulu keçirilib.
1news.az xəbər verir ki, Dövlət Gömrük Komitəsinin sədri Şirvan şəhərindən Hacıqabul, Sabirabad və Saatlı rayonlarından olan vətəndaşları qəbul edib.
Komitənin müvafiq struktur rəhbərlərinin də iştirak etdikləri qəbulda sakinlərin müraciətləri əsasən işə qəbul, malların idxal və ixracı, bununla əlaqədar sənədləşmə qaydaları və gömrük-keçid məntəqələrində vəziyyət barədə olub.
Qəbul zamanı DGK sədri hər bir vətəndaşın müraciətini diqqətlə dinləyib və qaldırılan məsələlərin qanunvericiliyə uyğun həll edilməsi barədə müvafiq strukturların rəhbərlərinə tapşırıqlar verib.
Vətəndaşların qəbulu zamanı qaldırdıqları məsələlərin bir qismi yerindəcə həllini tapıb. Komitənin səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılmaq üçün qeydiyyata alınıb və nəzarətə götürülüb.
