Elçin Səfərlinin romanı MDB ölkələrində bestseller oldu-FOTO

Elçin Səfərlinin “Mən evə istəyirəm” adlı yeni romanı satış rekordu qırmaqda davam edir.

Kitab Rusiya, Ukrayna, Belorusiya, Qırğızıstan, Özbəkistan və Qazaxıstanda bestseller kimi qəbul olunub. Bu yaxınlarda Azərbaycanın tanınmış yazıçısının MDB ölkələrindəki oxucuları ilə görüşləri keçirilib.

“Mən evə istəyirəm” kitabının 24 dekabrda keçirilən növbəti təqdimatı Qazaxıstanda baş tutub. Təqdimat Almatının iri kitab mağazası “Meloman”da keçirilib. Tədbirdə 300-dən ziyatərçi iştirak edib.

Görüş 4 saatdan çox davam edib, yazıçının mağazada olan bütün kitabları satılıb. Avtoqraf- sessiyasına nəzarət edən mağaza mühafizəçiləri isə Səfərlinin pərəstişkar axınının qarşısında acız qalıb.

Qeyd edək ki, “Mən evə istəyirəm” romanı Səfərlinin Abşerondakı uşaqlıq dövrü hadisələrindən, bu torpaqların tarixi, ənənəsi və mədəniyyətindən bəhs edir. Müəllif nəsil- şəcərəsinin bağlı olduğu Abşeronun Xilə (Əmircan) kəndinin koloritini canlı, təbii,  öz həyatından alınmış bədii mənzərələr fonunda canlandırıb.        

Qeyd edək ki, “Mən evə istəyirəm” kitabı Bakıda Ədəbiyyat Muzeyi binasında yerləşən  “AkademKitab” mağazasında da aktiv şəkildə satılır.

1news.az