Tanınmış mebel mağazasından oğurluq etmək istəyən şəxslər tutuldu

Xırdalan şəhərində tanınmış mebela mağazasından oğurluq etmək istəyən şəxslər saxlanılıblar.

1news.az xəbər verir ki, bu barədə Daxili İşlər Nazirliyinin mətbuat xidmətindən məlumat veriblər.

Məlumata görə, dekabrın 25-də saat 23:36-da Xırdalan şəhərindəki “Embawood” mağazasından Abşeron Rayon Mühafizə İdarəsinə həyəcan siqnalı daxil olub.

Dərhal həyata keçirilmiş tədbirlərlə oradan şüşəni sındırmaq yolu ilə oğurluğa cəhd göstərmiş Xırdalan şəhər sakini Ramin Cəfərov, Bakı şəhər sakini Natiq Möhübov və Şamaxı rayon sakini Aqil İsrafilov saxlanılıblar.

1news.az