Azərbaycanda əfv sərəncamının icrası başa çatıb –YENİLƏNMƏ
Prezident İlham Əliyevin dekabrın 28-də imzaladığı əfv sərəncamı Ədliyyə Nazirliyinin Penitensiar Xidmətin bütün müəssisələrində icra olunub.
1news.az-ın verdiyi məlumata görə, Penitensiar Xidmətin Müalicə Müəssisəsindən 3, 6 saylı cəzaçəkmə müəssisəsindən 24, 11 saylı cəzaçəkmə müəssisəsindən isə 3 nəfər azadlığa buraxılıb.
Azadlığa buraxılan şəxslər və onları qarşılayan ailə üzvləri Azərbaycan Prezidenti İlham Əliyevə təşəkkürlərini bildiriblər.
09.33
Azərbaycanda əfv sərəncamının icrasına başlanılıb.
1news.az-ın APA-ya istinadla verdiyi məlumata görə, Prezident İlham Əliyevin dekabrın 28-də imzaladığı sərəncam ümumilikdə 210 nəfərə şamil edilib.
Sərəncama əsasən, azadlıqdan məhrum etmə cəzasına məhkum edilmiş 198 nəfər cəzanın çəkilməmiş hissəsindən, 3 nəfər islah işləri, 9 nəfər isə cərimə cəzasından azad edilib.
Əfv olunalar arasında xarici ölkə vətəndaşları da var.
1news.az
