Bakıda “Mercedes”in sürücüsü piyadanı və iki avtomobili vurdu: ölən və yaralananlar var

Binəqədi rayonunda ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinin mətbuat xidmətinə istinadən verdiyi xəbərə görə, hadisə dünən saat 17:00 radələrində rayonun M.Ə.Rəsulzadə qəsəbəsində qeydə alınıb.

Belə ki, Bakı şəhər sakini Anar Əliyev idarə etdiyi “Mercedes” markalı avtomobillə səkidə dayanmış paytaxt sakini Babək Soltanovu vurub, idarəetməni itirdiyindən avtomobilini yolun kənarında dayanmış Məmməd Rüstəmova məxsus “Nissan” və Eşqin Vəliyevə məxsus “Mercedes” markalı avtomobillərə çırpıb.

Nəticədə B.Soltanov hadisə yerində dünyasını dəyişib, A.Əliyevin 2 sərnişini xəstəxanaya yerləşdirilib.

Faktla bağlı Binəqədi Rayon Polis İdarəsi tərəfindən araşdırma aparılır.

1news.az