Azərbaycanda 3 nəfər dəm qazının qurbanı oldu

Azərbaycanda bir gündə 3 nəfər dəm qazından zəhərlənərək dünyasını dəyişib.

1news.az xəbər verir ki, bu barədə Daxili İşlər Nazirliyinin mətbuat xidmətinin yaydığı məlumatda qeyd olunub.

Məlumata görə, yanvarın 5-də paytaxtın Nizami rayonunda yaşayan Nərgiz Aydınova, Xətai rayonunda yaşayan Çingiz Bədəlov və Xaçmaz şəhərində yaşayan Tamilə Təhməzova mənzillərində dəm qazından zəhərlənərək ölüblər.

Hər üç faktla bağlı araşdırma aparılır.

1news.az