Rusiyanın Rostov-Don şəhərində qəzaya uğrayan təyyarə ilə bağlı yeni video yayıldı- FOTO-VİDEO- YENİLƏNİB
Rusiyanın Rostov-Don şəhərində FlyDubai aviaşirkətinə məxsus "Boinq- 737-800" təyyarəsinin qəzaya uğradığı anın görüntüləndiyi yeni video yayılıb.
LifeNews-un yayımladığı kadrlardan görünür ki, təyyarə alov kürəsi kimi göydən yerə düşüb və yerə düşdükdən sonra partlayış baş verib.
Xatırladaq ki, faciə bu gün Moskva saatı ilə 03:41-də Rostov -Don hava limanında baş verib. Dubaydan gələn təyyarə ilk cəhddə enə bilməyib, uzun müddət hava limani üzərində dövr edib. İkinici enmə cəhdi zamanı təyyarə yüksək sürətlə ucuş- enmə zolağına çırpılıb.
LifeNews ölənlərin siyahısını açıqlayıb. Təyyarədə 55 sərnişin 7 heyət üzvü olub. Son məlumatlara görə 62 nəfər həlak olub. Təyyarədə rusiya vətəndaşlarından əlavə ukrayna, özbəkistan, ispaniya, kipr vətəndaşları da olub.
Qeyd edək ki, ölənlər arasında Azərbaycan vətəndaşı yoxdur.
11.15
Rusiyanın Rostov-Don şəhərində sərnişin təyyarəsi qəzaya uğrayıb.
Hadisə nəticəsində təyyarənin göyərtəsindəki 62 nəfərin hamısı həlak olub.
Boeing 737-800 təyyarəsi aeroporta eniş edərkən qəzaya uğrayıb.
Qəzadan sonra hadisə yerində güclü yanğın başlayıb. Ölənlər arasında uşaqların da olduğu qeyd edilir.
Təyyarənin Dubay - Rostov marşrutu üzrə uçduğu bildirilir.
İlkin ehtimala görə, qəzaya pis hava şəraiti səbəb olub.
