Əhməd Davudoğlu baş nazir səlahiyyətlərini Binali Yıldırıma təhvil verdi – FOTO
Cankaya Sarayında Türkiyənin baş nazir səlahiyyətlərinin təhvilverilməsi mərasimi keçirilib.
1news.az-ın Türkiyə KİV-nə istinadla verdiyi xəbərə görə, çərşənbə axşamı gündüz saatlarında Əhməd Davudoğlu baş nazir səlahiyyətlərini Binali Yıldırıma təhvil verdi.
65-ci hökumətin tərkibinin elan olunmasından sonra Binali Yıldırım iqtidar partiyasının ilk iclasında iştirak edib. Bundan sonra o, Cankaya Sarayına gedərək orada baş nazir səlahiyyətlərinin təhvil alınması məraisimdə də iştirak edib.
Cankaya Sarayının girişində Binali Yıldırımı sabiq baş nazir Əhməd Davudoğlu qarşılayıb.
Tərəflər danışıqlar apardıqdan sonra Əhməd Davudoğlu səlahiyyətlərini Binali Yıldırıma təhvil verib.
Bu andan etibarən Binali Yıldırım rəsmi olaraq Türkiyə Cümhuriyyətinin baş naziri oldu.
Daha sonra isə Əhməd Davudoğlu Cankaya Sarayını mülki nömrəli avtomobillə tərk edib.
Mövzu ilə əlaqədar oxuyun:
Binali Yıldırımın rəhbərliyi ilə yeni hökumətin tərkibi açıqlanıb - FOTO
1news.az
