Polis çətənə kolu yetişdirən Qobustan və Lənkəran sakinlərini saxlayıb
Polis əməkdaşları Qobustan və Lənkəran rayonlarında xeyli miqdarda çətənə kolu aşkar ediblər.
1news.az xəbər verir ki, bu barədə Daxili İşlər Nazirliyindən məlumat veriblər.
Məlumata görə, Qaradağ polisinin həyata keçirdiyi əməliyyat-axtarış tədbirləri nəticəsində Qobustan qəsəbə sakini Nizam Mahmudova məxsus həyətyanı sahədən kultivasiya yolu ilə yetişdirilmiş 16 ədəd çətənə kolu aşkar edilərək götürülüb.
Ətrafında aparılmış əməliyyat tədbirləri ilə onun yanvarın 25-də törədilmiş quldurluq cinayətinin iştirakçısı olması da müəyyən edilib.
Bundan başqa Lənkəran polisinin həyata keçirdiyi əməliyyat-axtarış tədbirləri nəticəsində Şiləvar kəndinin meşə zolağında rayon sakini Anar Məmmədov tərəfindən kultivasiya yolu ilə yetişdirilmiş 268 ədəd çətənə kolu aşkar edilərək götürülüb və o, tutulub.
1news.az
