Bu gün Premyer Liqada çıxış edəcək klubların adına aydınlıq gələcək

Bu gün AFFA-nın inzibati binasında İcraiyyə Komitəsinin növbəti iclası keçiriləcək.

1news.az-ın AFFA-ya istinadən verdiyi məlumata görə, saat 10:00-da başlayacaq iclasda 2016-2017-ci il mövsümündə Premyer Liqada çıxış edəcək klubların sayının müəyyənləşdirilməsi barədə qərarın qəbul olunacağı gözlənilir.

Bundan başqa I Diviziondan idman prinsiplərinə uyğun olaraq Premyer Liqaya yüksəlmək ehtimalı olan klubların vəziyyəti ilə bağlı müzakirələrin aparılması nəzərdə tutulub.

1news.az