Fransa Qarabağ münaqişəsinin nizamlanması üzrə prezidentlərin növbəti görüşünü keçirməyə hazırdır
ATƏT-in Minsk qrupunun həmsədri kimi Fransa Azərbaycan və Ermənistan prezidentlərinin iyunun 20-də Sankt-Peterburqda keçirilmiş görüşünün yekununu alqışlayır.
“Bu görüş mayın 16-da Vyanda başlanmış Dağlıq Qarabağ üzrə dialoq məsələsində iki liderə imkanlar verdi”, - Bakıda Fransa səfirliyinin bəyanıtda qeyd edilib.
“Münaqişənin sülh yolu ilə nizamlanması Azərbaycanla Ermənistan arasında sabit və açıq dialoqdan sonra öz həllini tapa bilər”, - həmçinin bəyanatda qeyd olunur.
Qeyd olunur ki, ATƏT-in Minsk qrupu həmsədrləri münaqişənin hər iki tərəfi arasında vasitəçilik öhdəliklərini davam etdirəcək. Həmçinin onlar Dağlıq Qarabağ münaqişəsinin nizamlanması üzrə hərtərəfli sülh razılaşmasının əldə edilməsi üçün səylərini əsirgəməyəcək.
“Minsk qrupunun həmsədri olaraq Fransa Dağlıq Qarabağın nizamlanması üzrə prezidentlərin növbəti görüşünün keçirilməsinə artıq hazır olduğunu bildirib”, - səfirliyin bəyanatında qeyd olunur.
Sankt-Peterburqda Rusiya prezidenti Vladimir Putinin iştirakı ilə İlham Əliyev və Serj Sarkisyan görüşünün yekunu olaraq danışıqlar prosesinə əlavə dinamika verilməsinə razılıq, eləcə də təmas xəttində ATƏT-in müşahidəçilərinin sayını artırmaq məsələsi əldə edildi.
Mövzu ilə əlaqədar oxuyun:
Elmar Məmmədyarov: Prezidentlərin Peterburq görüşünü müsbət qiymətləndiririk
1news.az
