Avropa çempionatında bütün 1/8 finalçıların adı məlum oldu

Avropa çempionatında qrup mərhələsinin oyunlarına yekun vurulub.

1news.az-ın məlumatına görə, E və F qrupundakı qarşılaşmalardan sonra 1/8 finala çıxacaq bütün komandaların adına aydınlıq gəlib.

İlk olaraq F qrupunda Macarıstan Portuqaliya ilə üz-üzə gəlib. Hərəyə üç dəfə fərqlənən komandalar meydandan sülhlə ayrılıblar. Hər iki komanda 1/8 finala vəsiqə qazanıb.

İslandiya isə Avstriya ilə qarşılaşıb. Son dəqiqə qolu ilə Avstriyanı məğlub edən İslandiya qrupda ikinci yeri tutub və 1/8 finala vəsiqə qazanıb.

E qrupunda isə liderliyi təmin etmiş İtaliya ilə İrlandiya üz-üzə gəlib. Bu görüşdə İrlandiya qalib gələrək 4 xalla ən yaxşı üçüncü olub və 1/8 finala vəsiqəni təmin edib. Belçika isə İsveçlə qarşılaşmada minimal hesabla qalib gələrək adını növbəti mərhələyə yazdırıb.

Avropa çempionatı - 2016

22 iyun

F qrupu

İslandiya - Avstriya - 2:1

Qollar: Bödvarsson, 18, Traustason, 90+4 - Şöpf, 60

Macarıstan - Portuqaliya - 3:3

Qollar: Gera, 18, Cucak, 47, 55 - Nani, 41, Ronaldo, 50, 62

E qrupu

İtaliya - İrlandiya - 0:1

Qol: Bredi, 85

İsveç - Belçika - 1:0

Qol: Naynqolan, 84

Qeyd edək ki, Avropa çempionatının 1/8 finalına A qrupundan Fransa, İsveçrə, B qrupundan Uels, İngiltərə, Slovakiya, C qrupundan Almaniya, Polşa, Şimali İrlandiya, D qrupundan Xorvatiya, İspaniya, E qrupundan İtaliya, Belçika, İrlandiya, F qrupundan isə Macarıstan, İslandiya və Portuqaliya komandaları vəsiqə qazanıblar.

1news.az