“Terrorçuluğa qarşı mübarizə haqqında” qanunda dəyişikliklər edilib
Azərbaycan Respublikasının Milli Məclisi “Terrorçuluğa qarşı mübarizə haqqında” Azərbaycan Respublikasının Qanununda dəyişikliklər edilməsi barədə qanunu təsdiq edib.
1news.az-ın AZƏRTAC-a istinadən verdiyi məlumata əsasən, qanunda deyilir:
“Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 20-ci bəndini rəhbər tutaraq, “Terrorçuluğa qarşı mübarizə haqqında” Azərbaycan Respublikasının Qanununu “Azərbaycan Respublikasının Cinayət Məcəlləsində dəyişikliklər edilməsi haqqında” Azərbaycan Respublikasının 2015-ci il 20 oktyabr tarixli 1396-IVQD nömrəli Qanununa uyğunlaşdırmaq məqsədi ilə qərara alır:
“Terrorçuluğa qarşı mübarizə haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 1999, № 8, maddə 475; 2001, № 11, maddə 676; 2002, № 5, maddə 258; 2004, № 3, maddə 133; 2005, № 10, maddə 871; 2009, № 2, maddə 46; 2010, № 3, maddə 178; 2014, № 4, maddə 329) aşağıdakı dəyişikliklər edilsin:
1. 1-ci maddənin ikinci abzasına “digər hərəkətlər” sözlərindən sonra “(terror aktı)” sözləri əlavə edilsin.
2. 1-ci maddənin yeddinci və doqquzuncu (hər iki halda) abzaslarında, 9-cu maddənin birinci hissəsinin 4-cü bəndində, 10-cu maddənin birinci və üçüncü hissələrində, 11-ci maddənin birinci hissəsində və 18-ci maddədə ismin müvafiq hallarında “terror aksiyaları” sözləri ismin müvafiq hallarında “terror aktları” sözləri ilə əvəz edilsin.
3. 1-ci maddənin yeddinci abzasında və 12-ci maddənin birinci hissəsində ismin müvafiq hallarında “terror aksiyası” sözləri “terror aktı” sözləri ilə əvəz edilsin.
4. 1-ci maddənin doqquzuncu abzasında “aksiyalarda” sözü “aktlarda” sözü ilə, 9-cu maddənin birinci hissəsinin 4-cü bəndində “aksiyaların” sözü “aktların” sözü ilə əvəz edilsin.
5. 11-ci maddənin və III Fəslin adlarında, 13-cü maddənin adında və birinci – dördüncü hissələrində “Terror aksiyaları” sözləri “Terror aktları” sözləri ilə əvəz edilsin”.
1news.az
