Göyçay sakini Şirvan kanalında boğulub

Göyçay rayonunda ölümlə nəticələnən bədbəxt hadisə baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən adıçəkilən rayonun Qızılağac kəndində qeydə alınıb.

Belə ki, həmin kənddə yaşayan Eldəniz Məmmədov ehtiyatsızlığı nəticəsində kənd ərazisindən keçən Şirvan su kanalına yıxılaraq boğulub.

Artıq meyit sudan çıxarılıb. Faktla bağlı araşdırma aparılır.

1news.az