Füzulidə yanğında inək və ev quşları tələf oldu, ev sahibinin xanımı xəsarət aldı

Füzuli rayonunda bir nəfərin xəsarət alması və ev heyvanlarının tələf olması ilə nəticələnən yanğın baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə sözügedən rayonun Horadiz şəhərində qeydə alınıb.

Belə ki, həmin şəhərdə yaşayan Alı İsmayılova məxsus ümumi sahəsi 80 kvm. olan yardımçı təsərrüfatda yanğın baş verib.

Nəticədə yanar konstruksiyalar yanıb, 1 baş inək və 8 ədəd ev quşu tələf olmuş, yanğını söndürməyə cəhd göstərmiş A.İsmayılovun arvadı Fəridə xəsarət aldığından xəstəxanaya yerləşdirilib.

1news.az