Bakıda körpələr evi və uşaq bağçası qarət olundu

Bakıda yerləşən körpələr evi və uşaq bağçası qarət olunub.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, iyulun 6-na keçən gecə Xətai rayonu ərazisindəki “Körpələr evi”nin birindən və uşaq bağçasından pəncərədən girmək yolu ilə məişət əşyaları oğurlanıb.

Xətai və Sabunçu polisinin həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Abşeron rayon sakini Fəxrəddin Novruzov tutulub.

1news.az