İrandan Azərbaycana 10 400 ədəd siqaretin qanunsuz yolla keçirilməsinin qarşısı alınıb – FOTO

İrandan Azərbaycana qanunsuz yolla külli miqdarda siqaret keçirmək istəyən şəxs saxlanılıb.

1news.az-ın məlumatına görə, Biləsuvar Gömrük İdarəsinin “Qoşa Təpə” Gömrük Postunda İran İslam Respublikasından Azərbaycan Respublikasına gələn Azərbaycan Respublikası vətəndaşının idarə etdiyi minik avtomobilinə tütün məmulatlarının axtarışı üzrə təlim keçmiş “Belıy” ləqəbli xidməti itin tətbiqi ilə baxış keçirilib.

Yoxlama zamanı avtomobilin döşəməsinin sağ və sol tərəf kənarlarında olan boşluqlardan gömrük nəzarətindən gizlədilən 10 400 ədəd siqaret aşkar edilərək götürülüb.

Faktla bağlı araşdırma aparılır.

1news.az