Azərbaycanda bir gündə 3 nəfər boğulub

Şənbə günündə Azərbaycanda 3 nəfər boğularaq ölüb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, iyulun 16-da Xaçmaz rayonunun Məmmədxanlı İlxıçı kəndində azyaşlı Mirzəbəy Kərimov ehtiyatsızlığından su kanalına düşərək boğulub.

Həmin gün Qazax rayonunun Aşağı Salahlı kəndində kənd sakini Elçin Lələyev Kür çayında çimərkən boğulub.

Daha bir bədbəxt hadisə isə Borankənd kəndində qeydə alınıb. Belə ki, kənd sakini Zamiq Rzayev göldə çimərkən boğulub.

Hər üç faktla bağlı araşdırma aparılır.

1news.az