Masallıda avtomobillə motosiklet toqquşub, iki nəfər ölüb

Masallı rayonunda iki nəfərin ölümü ilə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən sözügedən rayonun Musaküçə kəndində qeydə alınıb.

Belə ki, şəhər sakini Cəfər Adamzadənin idarə etdiyi “İJ 27175” markalı avtomobillə rayon sakini Xalid Eyvazovun idarə etdiyi motosiklet toqquşub.

Nəticədə X.Eyvazov və sərnişini Nizami Hilalov hadisə yerində ölüb, C.Adamzadəyə xəstəxanada ilkin tibbi yardım göstərildikdən sonra buraxılıb.

Faktla bağlı Baş İstintaq və Təhqiqat İdarəsi tərəfindən araşdırma aparılır.

1news.az