Bakıda ABŞ vətəndaşına qarşı quldurluq edən şəxslər tutuldu

Polis əməkdaşları Bakıda ABŞ vətəndaşına qarşı quldurluq edən şəxsləri saxlayıblar.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, nazirliyin Baş Cinayət Axtarışı İdarəsi və Bakı Şəhər Baş Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində iyulun 18-də ABŞ vətəndaşı Jagob Cüillette Paulanın 150 manat pulunu və sənədini quldurluq yolu ilə almaqda şübhəli bilinən Bakı şəhər sakinləri Ümid Abbasov, Vüsal Allahverdiyev və Şərur rayon sakini Nizami Əhmədov tutulublar.

1news.az