52 min şagird, 1050 sinif otağı – “Ginnesin Rekordlar Kitabı”na düşən məktəb – FOTO
Dünyanın ən böyük məktəbi Hindistanın Lakxnau şəhərində yerləşir.
1news.az publika.az-a istinadən bildirir ki, “City Montessori School” adlanan bu məktəb dünyanın ən böyük məktəbi olaraq “Ginnesin Rekordlar Kitabı”na düşüb.
Məktəbdə 1050 sinif yerləşir və 52 min şagird təhsil alır. Bundan əlavə, məktəbdə 3000 müəllim şagirdlərə təhsil verir.
1959-ci ildə uşaq psixoloqu Jagdish Qandi və həyat yoldaşı Bharti Qandi tərəfindən qurulan “City Montessori School” məktəbi Hindistanda təhsil göstəricilərinə görə də öndə gedir. Bu məktəbin məzunlarının 40 faizi dövlət imtahanlarında yüksək nəticə göstərir. Bunun əsas səbəbi isə hər il məktəbin yüksək nəticə göstərmiş şagirdlərin müəllimlərinə əlavə 100 minlik vəsait ayırmasıdır. Bu, müəllimlərdə dərsin keyfiyyətini daha da yüksəltmək üçün stimul yaradır.
Məktəbdə illik təhsil haqqı 400-1000 dollar arası dəyişir ki, bu da Hindistandakı ən bahalı məktəblərdən 25 faiz aşağıdır.
1news.az
