Doğuş və Xoşqədəm demokratiya mitinqində - FOTO

Türkiyədə 15 iyulda çevriliş cəhdindən sonra xalq hər axşam meydanlara yığışaraq demokratiyanın keşiyində durmağa davam edir.

1news.az Türkiyə mətbuatına istinadən xəbər verir ki, hər axşam minlərlə insan qarşısında müxtəlif sahə üzrə məşhur şəxslər çıxış edərək terrorçulara qarşı demokratik mübarizəni davam etdirməyə səsləyirlər.

Dünən axşam Antalyada xalqla görüşə Mustafa Ceceli, Bengü, Yeşim Salkım, Murat Dalkılıç, Alişan, Berkay, Doğuş və həyat yoldaşı Xoşqədəm, Berksan, Davut Güloğlu kimi məşhurlar qatılıblar.

Çıxış edən Xoşqədəm Baxşəliyeva çevriliş cəhdini televiziya kanallarından öyrəndiyini zaman göz yaşlarını saxlaya bilmədiyini, azərbaycanlıların hər zaman Türkiyənin yanında olduğunu deyib.

Doğuş isə çıxışında demokratiya keşiyində duranlara təşəkkürünü bildirib.

Qeyd edək ki, Türkiyədə hərbi qiyam gecəsindən sonra ölkədə 3 aylıq fövqəladə vəziyyət elan olunub.

1news.az